PCB: భారత్ పై మరోసారి అక్కసు వెళ్లగక్కిన పాకిస్థాన్ క్రికెట్ బోర్డ్
- తమ ఆటగాళ్ల పట్ల అనుచితంగా వ్యవహరించారంటూ ఫిర్యాదు
- పాక్ జర్నలిస్టులకు వీసాల జారీలో జాప్యంపై నిరసన
- పాకిస్థాన్ అభిమానులకు వీసాలు జారీ చేయకపోవడంపై అసంతృప్తి
వన్డే ప్రపంచకప్ లో భారత్ చేతిలో ఓటమి అనంతరం పాకిస్థాన్ జట్టు తీవ్ర నిరాశ, నిస్పృహలతో ఉన్నట్టు కనిపిస్తోంది. ఇప్పటికే ఆ జట్టు కోచ్, టీమ్ డైరెక్టర్ వన్డే ప్రపంచకప్ నిర్వహణ పట్ల విమర్శలు కురిపించారు. ఇది ఐసీసీ టోర్నమెంట్ మాదిరిగా లేదని, బీసీసీఐ ఈవెంట్ లా ఉందంటూ పాక్ టీమ్ డైరెక్టర్ మైక్ ఆర్థర్ విమర్శించడం తెలిసిందే. ఈ నెల 14న అహ్మదాబాద్ లో మ్యాచ్ సందర్భంగా పాకిస్థాన్ మ్యూజిక్ ను ప్లే చేయలేదని, పాక్ నుంచి రావాలనుకునే అభిమానులకు వీసాలు మంజూరు చేయలేదన్న ఆరోపణలు కురిపించారు. ఆరంభంలో ఇలాంటివి సహజమేనంటూ దీనికి ఐసీసీ కౌంటర్ ఇచ్చింది.
