Vijay: 'లియో' నుంచి 'ప్రేమ ఓ ఆయుధం' సాంగ్ రిలీజ్!

విజయ్ హీరోగా లోకేశ్ కనగరాజ్ రూపొందించిన 'లియో' సినిమా కోసం అభిమానులంతా ఎంతో ఉత్సాహంతో ఎదురుచూస్తున్నారు. విజయ్ ద్విపాత్రాభినయం చేసిన సినిమా ఇది. సెవెన్ స్క్రీన్ స్టుడియోస్ బ్యానర్ పై లలిత్ కుమార్ నిర్మించిన ఈ సినిమాను, ఈ నెల 19వ తేదీన పాన్ ఇండియా స్థాయిలో రిలీజ్ చేయనున్నారు.

ఈ నేపథ్యంలో ఈ సినిమా నుంచి కొంతసేపటి క్రితం 'ప్రేమ ఓ ఆయుధం' అనే లిరికల్ సాంగ్ ను రిలీజ్ చేశారు. 'రాసిచ్చాలే మనసే .. చేసేస్తాలే తపస్సే' అంటూ ఈ పాట మొదలవుతోంది. అనిరుధ్ స్వరపరిచిన ఈ పాటకి కృష్ణకాంత్ సాహిత్యాన్ని అందించగా, జేవీ సుధాన్షు - ప్రియమాలి ఆలపించారు. 

ఈ పాటను హీరో - హీరోయిన్ .. వాళ్ల పాపపై చిత్రీకరించారు. ముగ్గురూ కూడా సరదాగా .. సంతోషంగా గడుపుతూ ఉండగా, ఈ పాట ప్లే అవుతూ ఉంటుంది. మంచుకొండల్లో ఈ పాట చిత్రీకరణ సాగింది. ఇతర ముఖ్యమైన పాత్రలలో సంజయ్ దత్ .. అర్జున్ .. గౌతమ్ మీనన్ .. ప్రియా ఆనంద్ కనిపించనున్నారు.