Mahesh Babu: విజయదశమికి మహేశ్ రచ్చ ఖాయమేనట!

మహేశ్ బాబు - త్రివిక్రమ్ కాంబినేషన్లో 'గుంటూరు కారం' సినిమా రూపొందుతోంది. హారిక - హాసిని బ్యానర్లో ఈ సినిమా నిర్మితమవుతోంది. ఇప్పటికే ఈ సినిమా చాలావరకూ చిత్రీకరణను జరుపుకుంది. అటు త్రివిక్రమ్ ... ఇటు మహేశ్ మార్కుతో ఈ సినిమా ఉండనుంది. ఇంతవరకూ వదిలిన పోస్టర్లు అంచనాలు పెంచేశాయి.

ఈ సినిమాకి తమన్ సంగీతాన్ని అందించాడు.  ఆయన బాణీలు .. బ్యాక్ గ్రౌండ్ స్కోర్ ఈ సినిమాను నెక్స్ట్ లెవెల్ కి తీసుకుని వెళ్లినట్టుగా చెబుతున్నారు. ఈ సినిమా నుంచి 'విజయదశమి'కి ఒక సాంగ్ వదలనున్నట్టుగా ఒక టాక్ వినిపిస్తోంది. అయితే అది నిజమేనా అనే సందేహంలో చాలామంది ఉన్నారు. 

నిజంగానే 'విజయదశమి'కి ఒక సాంగ్ ను రిలీజ్ చేయనున్నరనే అంటున్నారు. ఆ దిశగా ప్రయత్నాలు జరుగుతున్నాయని అంటున్నారు. అయితే మాస్ బీట్ ను వదులుతారా? మెలోడీని రిలీజ్ చేస్తారా? అనేది చూడాలి. శ్రీలీల కథానాయికగా నటిస్తున్న ఈ సినిమాలో, మీనాక్షి చౌదరి కూడా మెరవనుంది. జనవరి 12వ తేదీన ఈ సినిమా విడుదల కానుంది.