ఆసియా కప్.. భారత్ తో ఫైనల్స్ కు ముందు శ్రీలంకకు ఎదురుదెబ్బ

ఆసియా కప్ ఫైనల్స్ లో టీమిండియా, శ్రీలంక జట్లు తలపడుతున్న సంగతి తెలిసిందే. మరోవైపు రేపు జరగనున్న ఈ మ్యాచ్ కు ముందు శ్రీలంకకు ఎదురుదెబ్బ తగిలింది. ఆ జట్టు స్టార్ స్పిన్నర్ మహీశ్ తీక్షణ జట్టుకు దూరమయ్యాడు. మొన్న పాకిస్థాన్ తో జరిగిన మ్యాచ్ లో ఫీల్డింగ్ చేస్తున్న సమయంలో ఆయన కుడి తొడ కండరం పట్టేసింది. తొడ నొప్పి కారణంగా ఆయన రేపటి మ్యాచ్ కు దూరమయ్యాడు. ఈ ఏడాది శ్రీలంక తరపున వన్డేల్లో ఎక్కువ వికెట్లు తీసిన బౌలర్ గా తీక్షణ కొనసాగుతున్నాడు. స్టార్ స్పిన్నర్ జట్టుకు దూరం కావడంతో బలమైన టీమిండియాను రేపు శ్రీలంక ఎలా ఎదుర్కొంటుందో వేచి చూడాలి.