నడివీధిలో నిలిచిపోయిన హెలికాఫ్టర్.. భారీగా ట్రాఫిక్ జాం
- బెంగళూరులో వెలుగు చూసిన దృశ్యం
- హిందుస్థాన్ ఏరోనాటిక్స్ సమీపంలో నడివీధిలో నిలిచిపోయిన హెలికాఫ్టర్
- సోషల్ మీడియాలో ఈ ఘటన తాలుకు దృశ్యాలు వైరల్
- కొంటె జోకులతో పెద్ద ఎత్తున స్పందించిన నెటిజన్లు
నగరంలోని హిందుస్థాన్ ఏరోనాటిక్స్ లిమిటెడ్ కార్యాలయానికి సమీపంలో రోడ్డు మధ్యలో ఈ హెలికాఫ్టర్ ల్యాండయ్యింది. దీంతో, రహదారిపై వాహనాలు చాలా సేపు నిలిచిపోయాయి. ఓ సాధారణ కారో, మరో వాహనం లాగానో హెలికాఫ్టర్ రోడ్డుపై నిలిచిపోవడంతో స్థానికులు తెగ నవ్వుకున్నారు. ఇందుకు సంబంధించిన చిత్రాలు సోషల్ మీడియాలో వైరల్ అయ్యాయి. ఈ దృశ్యాన్ని చూసిన పలువురు నెటిజన్లు ఛలోక్తులు కూడా విసిరారు. ‘‘డ్రంకెన్ డ్రైవ్ టెస్టులు వాహనదారులకే కాదు పైలెట్లకు కూడా చేస్తూ ఉంటే ఇలాంటి ఘటనలు జరగవు’’ అంటూ ఓ వ్యక్తి పంచ్ వేశాడు.
