Twitter: ట్విట్టర్ లో ఆడియో, వీడియో కాల్స్

ప్రముఖ సోషల్ మెసేజింగ్ సంస్థ ట్విట్టర్ (ఎక్స్) సరికొత్త ఫీచర్లను వినియోగదారులకు అందుబాటులోకి తీసుకొస్తోంది. ఫోన్ నెంబర్ లేకుండానే వీడియో, ఆడియో కాల్ సదుపాయం తీసుకొస్తున్నట్టు ఆ సంస్థ అధినేత ఎలాన్ మస్క్ ప్రకటించారు. ఐఓఎస్, పీసీ, ఆండ్రాయిడ్ లలో ఈ సదుపాయం అందుబాటులోకి వస్తుందని చెప్పారు. అత్యంత ప్రభావవంతమైన ప్రపంచ అడ్రస్ బుక్ కు ఎక్స్ వేదిక అవుతుందని అన్నారు. మరోవైపు ఈ కొత్త ఆప్షన్ల గురించి ఎక్స్ సీఈవో లిండా యాకరినో కొన్ని రోజుల క్రితమే వెల్లడించారు. ఇన్స్టాలో ఉన్నట్టుగానే ఎగువన కుడివైపు ఉండే డీఎం మెనూలో కాలింగ్ ఆప్షన్ ఉంటుందని చెప్పారు.