Murugadoss: చిరంజీవి నెక్స్ట్ మూవీ డైరెక్టర్ గా తెరపైకి మురుగదాస్ పేరు!

చిరంజీవి ఆ మధ్య ఒకేసారి మూడు ప్రాజెక్టులకు గ్రీన్ సిగ్నల్ ఇచ్చేసి, ఆ సినిమాలను ఒక దాని తరువాత ఒకటిగా థియేటర్లకు తీసుకుని వచ్చారు. అయితే అలా ఆయన చేసిన మూడు సినిమాలలో కేవలం ఒక సినిమా మాత్రమే అభిమానుల అంచనాలకు కాస్త దగ్గరగా వెళ్లగలిగింది. ఇక ఇప్పుడు కూడా మరో మూడు ప్రాజెక్టులను దాదాపు ఒకేసారి చిరంజీవి మొదలుపెడుతున్నట్టుగా చెబుతున్నారు.

కల్యాణ్ కృష్ణ దర్శకత్వంలోను .. శ్రీవశిష్ఠ దర్శకత్వంలోను చిరంజీవి చేయనున్నట్టుగా కొన్ని రోజులుగా వార్తలు వినిపిస్తున్నాయి. ఆ సినిమాలకి సంబంధించిన ప్రీ ప్రొడక్షన్ పనులు జరుగుతున్నాయని అంటున్నారు. ఈ నేపథ్యంలోనే తాజాగా మురుగదాస్ పేరు తెరపైకి వచ్చింది. ఆయన వినిపించిన కథ చిరంజీవికి బాగా నచ్చిందనే టాక్ వినిపిస్తోంది. అందువల్లనే వెంటనే గ్రీన్ సిగ్నల్ ఇచ్చారని సమాచారం. 

గతంలో చిరంజీవితో మురుగ దాస్ 'స్టాలిన్' సినిమా చేశాడు. మెగాస్టార్ ను మరింత స్టైల్ గా చూపించిన సినిమా ఇది. ఆయన కెరియర్లో బ్లాక్ బస్టర్ హిట్స్ జాబితాలో ఈ సినిమా కూడా కనిపిస్తుంది. లోకేశ్ కనగరాజ్ .. నెల్సన్ కంటే ముందు, తమిళ సినిమాకి భారీ హిట్స్ రుచి చూపించిన దర్శకుడు మురుగదాస్. అందువల్లనే చిరూ ఆయనకి ఛాన్స్ ఇచ్చాడని అంటున్నారు.