'కావాలయ్యా..' పాటకు అదిరిపోయే స్టెప్పులేసిన జపాన్ యువకుడు.. వీడియో ఇదిగో!

సూపర్ స్టార్ రజనీకాంత్ కొత్త సినిమా ‘జైలర్’ సినిమా రికార్డు వసూళ్లతో బాక్సాఫీస్ ను కొల్లగొడుతోంది. దేశవిదేశాల్లోని రజనీ అభిమానులు ఈ సినిమా చూసేందుకు థియేటర్లకు పోటెత్తుతున్నారు. ఈ సినిమాలోని కావాలయ్యా పాట సోషల్ మీడియాలో వైరల్ గా మారిన విషయం తెలిసిందే. తాజాగా ఈ పాటకు ఓ జపాన్ కుర్రాడు డ్యాన్స్ చేసి సోషల్ మీడియాలో పెట్టడంతో అదికాస్తా వైరల్ గా మారింది. కావాలా ఫ్రం జపాన్ క్యాప్షన్ తో కాకెటకు అనే కొరియోగ్రాఫర్ తన ఇన్ స్టాలో ఈ వీడియోను పంచుకున్నాడు.

ఈ పాటలో తమన్నా వేసిన స్టెప్పులను అనుకరిస్తూ కాకెటకు చేసిన డ్యాన్స్ నెటిజన్లను ఆకట్టుకుంటోంది. వారం క్రితం ఇన్ స్టాలో పోస్ట్ చేసిన ఈ వీడియోను నెటిజన్లు వివిధ సోషల్ మీడియాలలో షేర్ చేస్తున్నారు. ఇప్పటి వరకు ఈ డ్యాన్స్ క్లిప్ ను 2 లక్షలకు పైగా నెటిజన్లు వీక్షించారు. వేలల్లో లైకులు, కామెంట్లతో కాకెటకును మెచ్చుకుంటున్నారు. వీడియో కోసం..