CM KCR: ఈ నెల 19, 20 తేదీల్లో సీఎం కేసీఆర్ జిల్లాల పర్యటన

తెలంగాణ సీఎం కేసీఆర్ ఈ నెల 19, 20 తేదీల్లో జిల్లాల్లో పర్యటించేందుకు షెడ్యూల్ ఖరారైంది. ఈ నెల 19న మెదక్ జిల్లాలో, ఈ నెల 20న సూర్యాపేట జిల్లాలో పర్యటించనున్నారు. 

సీఎం కేసీఆర్ వచ్చే శనివారం నాడు మెదక్ జిల్లాలో పర్యటించి జిల్లా కలెక్టరేట్ భవనం, జిల్లా ఎస్పీ కార్యాలయాన్ని ప్రారంభించనున్నారు. ఆ మరుసటి రోజు సూర్యాపేట జిల్లాలో పర్యటించనున్నారు. నిర్మాణం పూర్తి చేసుకున్న సూర్యాపేట జిల్లా కలెక్టరేట్ భవనాన్ని ప్రారంభించనున్నారు. అనంతరం సూర్యాపేట జిల్లా ఎస్పీ కార్యాలయ ప్రారంభోత్సవ కార్యక్రమంలో పాల్గొంటారు. 

ఈ పర్యటనలో భాగంగా, జిల్లాలో కొత్తగా నిర్మించిన వైద్య కళాశాల కూడా సీఎం కేసీఆర్ చేతుల మీదుగా ప్రారంభోత్సవం జరుపుకోనుంది.