‘కట్టప్ప’ సత్యరాజ్ ఇంట్లో విషాదం
‘కట్టప్ప’ సత్యరాజ్ ఇంట్లో విషాదం చోటుచేసుకుంది. ఆయన తల్లి నాదాంబాళ్ కాళింగరాయర్ (94) కన్నుమూశారు. తమిళనాడులోని కోయంబత్తూరులో ఉంటున్న నాదాంబాళ్.. వృద్ధాప్య కారణాలతో శుక్రవారం సాయంత్రం తుదిశ్వాస విడిచారు. హైదరాబాద్లో షూటింగ్లో ఉన్న నటుడు సత్యరాజ్.. ఈ విషయం తెలియగానే వెంటనే కోయంబత్తూరుకు బయల్దేరి వెళ్లారు. ఈ రోజు అంత్యక్రియలు జరగనున్నాయి.
నాదాంబాళ్ కాళింగరాయర్కు కొడుకు సత్యరాజ్తోపాటు కూతుళ్లు కల్పన, రూప ఉన్నారు. ఆమె మృతిపై పలువురు సినీ, రాజకీయ ప్రముఖులు సంతాపం తెలియజేస్తున్నారు. నటులు కమల్ హాసన్, ఉదయనిధి స్టాలిన్, డైరెక్టర్ శీను రామస్వామి తదితరులు సంతాపం తెలిపారు.