Visakhapatnam: మద్యం మత్తులో డ్రైవింగ్ చేస్తూ బీభత్సం సృష్టించిన వైద్యురాలు.. చెట్టును ఢీకొట్టడంతో నుజ్జయిన కారు

విశాఖపట్టణంలో గత రాత్రి ఓ వైద్యురాలు తాగిన మత్తులో కారు డ్రైవ్ చేస్తూ బీభత్సం సృష్టించింది. ప్రమాదం తర్వాత ఆమె మరో కారులో అక్కడి నుంచి వెళ్లిపోయినట్టు తెలుస్తోంది. రామాపురం నుంచి సిరిపురం వైపు వెళ్తున్న కారు వీఐపీ రోడ్డులో ప్యారడైజ్ హోటల్ సమీపంలో అదుపుతప్పి పార్కింగ్ చేసి ఉన్న ఏడు ద్విచక్ర వాహనాలను ఢీకొట్టింది.

ఆ తర్వాత డివైడర్ పైనున్న చెట్టును ఢీకొట్టి ఆగిపోయింది. ఈ ఘటనలో కారు నుజ్జుగా మారింది. స్థానికుల నుంచి సమాచారం అందుకున్న పోలీసులు ప్రమాదంపై కేసు నమోదు చేసుకుని దర్యాప్తు చేస్తున్నారు.