Rajinikanth: శ్రీలంకన్ ఎయిర్ లైన్స్ విమానంలో రజనీకాంత్... థ్రిల్లయిన సిబ్బంది

దక్షిణాది సినీ సూపర్ స్టార్ రజనీకాంత్ మాల్దీవుల పర్యటన ముగించుకుని చెన్నై తిరిగొచ్చారు. ఆయన మాల్దీవులకు వెళ్లేటప్పుడు, వచ్చేటప్పుడు శ్రీలంకన్ ఎయిర్ లైన్స్ విమానంలోనే ప్రయాణించారు. ఈ నెల 14న చెన్నై నుంచి మాలే వెళ్లిన ఆయన ఇవాళ తిరిగి చెన్నై చేరుకున్నారు. 

ఈ రెండు సందర్భాల్లో శ్రీలంకన్ ఎయిర్ లైన్స్ సిబ్బంది రజనీ తమ విమానంలో ప్రయాణం చేయడం పట్ల థ్రిల్లయ్యారు. ఎయిర్ హోస్టెస్ లు, ఇతర విమాన సిబ్బంది కూడా రజనీతో ఫొటోలు దిగేందుకు పోటీలు పడ్డారు. ఈ ఫొటోలను శ్రీలంకన్ ఎయిర్ లైన్స్ ట్విట్టర్ లో పంచుకుంది. 

భవిష్యత్ లోనూ రజనీకాంత్ తమ విమానాల్లోనే ప్రయాణం చేయాలని ఆకాంక్షిస్తున్నట్టు ఆ శ్రీలంక విమానయాన సంస్థ పేర్కొంది.