dayaa: జేడీ చక్రవర్తి ఈజ్ బ్యాక్.. సస్పెన్స్ థ్రిల్లర్‌‌గా ‘దయా’ వెబ్ సిరీస్

క్లాస్, మాస్‌ క్యారెక్టర్లతో టాలీవుడ్‌ను కొన్నాళ్లు ఊపు ఊపిన నటుడు జేడీ చక్రవర్తి. కెరీర్ ఆరంభంలోనే హిందీలో సైతం గుర్తింపు తెచ్చుకున్నాడు. ఆయన ఇప్పుడు ఓ తెలుగు వెబ్ సిరీస్‌తో ప్రేక్షకుల ముందుకు రాబోతున్నాడు. జేడీ చక్రవర్తితో పాటు ఈషా రెబ్బా, రమ్య నంబీశన్ ప్రధాన పాత్రల్లో తెరకెక్కిన వెబ్ సిరీస్ ‘దయా’. పవన్ సాధినేని దర్శకత్వం వహించిన ఈ సిరీస్ ఆగస్టు 4 నుంచి డిస్నీ ప్లస్‌ హాట్‌ స్టార్‌‌లో స్ట్రీమింగ్ కానుంది. ఆదివారం విడుదలైన ట్రైలర్‌ సిరీస్‌పై అంచనాలు పెంచింది. ఓ వ్యాన్ డ్రైవర్‌‌ పాత్రలో జేడీ చక్రవర్తి కనిపించారు.


వ్యాన్ డ్రైవర్ జీవితంలో అనుకోకుండా ఎదురయ్యే పరిస్థితుల నేపథ్యంలో సస్పెన్స్ థ్రిల్లర్‌‌గా ఈ వెబ్ సిరీస్ రూపొందించారు. చాన్నాళ్ల తర్వాత  జేడీ చక్రవర్తి తన మార్కు నటనను చూపెట్టారు. జేడీ నడుపుతున్న వ్యాన్లో ఓ రోజు డెడ్ బాడీ కనిపిస్తుంది. అదే సమయంలో ఓ లెడీ జర్నలిస్ట్ మిస్ అవుతుంది. ఆ డెడ్ బాడీని మాయం చేయడానికి ప్రయత్నాలు చేస్తున్న సన్నివేశాలను ట్రైలర్‌‌లో చూపించారు. అసలు ఆ లేడీ రిపోర్టర్ ఎలా మిస్ అయింది? తన వ్యాన్ లో దొరికిన డెడ్ బాడీతో జేడీ ఎలాంటి సమస్యలను ఎదుర్కొన్నాడు? వాటిని ఎలా పరిష్కరించుకున్నాడు? అనే సన్నివేశాలతో  ట్రైలర్ మొత్తం సస్పెన్స్ గా ఉంది.