Prabhas: హరీశ్ శంకర్ దర్శకత్వంలో ప్రభాస్!

ప్రభాస్ అభిమానులంతా ఎదురుచూస్తుండగానే 'ఆదిపురుష్' వచ్చేసింది. వాళ్లకి ఈ సినిమా అసంతృప్తినే మిగిల్చింది. దాంతో ఆయన తదుపరి సినిమాల అప్ డేట్స్ తెలుసుకోవడానికి వాళ్లంతా ఉత్సాహాన్ని చూపిస్తున్నారు. ఆ జాబితాలో 'సలార్' .. 'ప్రాజెక్టు K' ..  'స్పిరిట్' .. 'రాజా డీలక్స్' సినిమాలు కనిపిస్తున్నాయి. 

'సలార్' .. 'ప్రాజెక్టు K' ఈ రెండు సినిమాలు పాన్ ఇండియా స్థాయిలోవే కావడం విశేషం. ఇక 'స్పిరిట్' గురించిన విశేషాలు పెద్దగా బయటికి రాలేదుగానీ, మారుతి దర్శకత్వంలో చేస్తున్న 'రాజా డీలక్స్' ఓ మాదిరి బడ్జెట్ లోనిదే. ఆ తరువాత ప్రాజెక్టును ప్రభాస్ ఎవరితో చేయనున్నాడనేది ఆసక్తికరంగా మారింది. 

ఈ నేపథ్యంలోనే హరీశ్ శంకర్ పేరు తెరపైకి వచ్చింది కన్నడలో భారీ చిత్రాలను నిర్మించిన KVN ప్రొడక్షన్స్ వారు ఈ సినిమాను నిర్మించనున్నట్టుగా తెలుస్తోంది. జోనర్ కి సంబంధించిన విషయాలతో పాటు త్వరలో అధికారిక ప్రకటన చేయనున్నట్టుగా సమాచారం. కథానాయిక విషయంలో కూడా అప్పుడే క్లారిటీ రానుంది.