Prabhas: 'ప్రాజెక్టు K'లో విలన్ పాత్రధారి పారితోషికం 100 కోట్లు?

ప్రభాస్ ఇప్పుడు 'సలార్' సినిమా చేస్తూనే మరోపక్క 'ప్రాజెక్టు K' చేస్తున్నాడు. వైజయంతీ మూవీస్ బ్యానర్ పై నాగ్ అశ్విన్ ఈ సినిమాను రూపొందిస్తున్నాడు. ఇది పాన్ ఇండియా కాదు ... పాన్ వరల్డ్ సినిమా అనే మాట ఆయన ఆరంభంలోనే చెప్పారు. 

అలాంటి ఈ సినిమాలో కథానాయికగా దీపిక పడుకొణె నటిస్తోంది. ఇతర ముఖ్యమైన పాత్రలలో అమితాబ్ .. అనుపమ్ ఖేర్ .. దిశ పటానీ కనిపించనున్నారు. నార్త్ నుంచి భారీ తారాగణం ఉండటం వలన, విలన్ ను సౌత్ నుంచి తీసుకోవాలనే నిర్ణయానికి మేకర్స్ వచ్చారట. ఈ విషయం కూడా ఇంతకుముందే బయటికి వచ్చింది. 

అదే ఇప్పుడు నిజమనేది తాజాగా వినిపిస్తున్న టాక్. సౌత్ నుంచి విలన్ పాత్ర కోసం కమల్ ను సంప్రదించడం .. ఆయన గ్రీన్ సిగ్నల్ ఇవ్వడం జరిగిపోయాయని అంటున్నారు. ఈ సినిమా కోసం ఆయన 30 రోజులు కేటాయించారట. ఇందుకోసం ఆయన 100 కోట్ల పారితోషికాన్ని అందుకోనున్నట్టు చెబుతున్నారు. విలన్ గా కమల్ విశ్వరూప విన్యాసం ఎలా ఉంటుందో చూడాలి మరి!