Varun Tej: లావణ్య త్రిపాఠీతో జాలీగా.. పిక్ పంచుకున్న వరుణ్ తేజ్

ఇటీవల హైదరాబాదులో మెగా ప్రిన్స్ వరుణ్ తేజ్, అందాలభామ లావణ్య త్రిపాఠి నిశ్చితార్థం ఘనంగా జరిగింది. మెగా కుటుంబంలో జరిగిన ఈ వేడుకకు సంబంధించిన ఫొటోలు ఇప్పటికీ సోషల్ మీడియాలో సందడి చేస్తూనే ఉన్నాయి. తాజాగా వరుణ్ తేజ్ సోషల్ మీడియాలో ఓ కూల్ పిక్ ను పంచుకున్నాడు. తన మనసు దోచుకున్న లావణ్య త్రిపాఠీతో కలిసి ఫారెన్ లో విహరిస్తున్న వరుణ్ తేజ్ ను ఆ ఫొటోలో చూడొచ్చు. 

ఈ ఇన్ స్టాగ్రామ్ పోస్టులో వరుణ్ తేజ్ స్పందిస్తూ... హృదయపూర్వకంగా శుభాకాంక్షలు తెలిపిన ప్రతి ఒక్కరికి పేరుపేరునా కృతజ్ఞతలు అంటూ పేర్కొన్నాడు. 

ప్రస్తుతం వరుణ్ తేజ్ గాండీవధారి అర్జున చిత్రంలో నటిస్తున్నాడు. ఈ చిత్రానికి ప్రవీణ్ సత్తారు దర్శకుడు. పలాస 1978 ఫేమ్ కరుణకుమార్ దర్శకత్వంలోనూ వరుణ్ తేజ్ ప్రాజెక్టు చేస్తున్నాడు. 

ఇక, ఉత్తరాది బ్యూటీ లావణ్య త్రిపాఠి ప్రస్తుతం చేతినిండా ప్రాజెక్టులతో బిజీగా ఉంది. అథర్వతో ఓ తమిళ చిత్రం చేసేందుకు ఓకే చెప్పింది. పీపుల్ మీడియా ఫ్యాక్టరీ పతాకంపై నిర్మితమయ్యే మరో చిత్రంలోనూ లావణ్య నటిస్తోంది. ఈ చిత్రానికి ఇంకా టైటిల్ ఫిక్స్ చేయలేదు. అటు, అన్నపూర్ణ స్టూడియోస్, హాట్ స్టార్ భాగస్వామ్యంతో రూపుదిద్దుకునే వెబ్ సిరీస్ లోనూ నటించనుంది.