Mahesh Babu: మహేశ్-త్రివిక్రమ్ సినిమా టైటిల్ ప్రకటనపై అప్ డేట్ ఇదిగో!

టాలీవుడ్ సూపర్ స్టార్ మహేశ్ బాబు, మాటల మాంత్రికుడు త్రివిక్రమ్ శ్రీనివాస్ కాంబినేషన్లో వస్తున్న కొత్త చిత్రం టైటిల్ పై చిత్రబృందం నుంచి అప్ డేట్ వచ్చింది. ఈ సినిమా టైటిల్ ను మే 31న అనౌన్స్ చేస్తున్నట్టు చిత్ర నిర్మాణ సంస్థ హారిక అండ్ హాసిని క్రియేషన్స్ వెల్లడించింది. మే 31న మహేశ్ సూపర్ ఫ్యాన్స్ థియేటర్లలో ఈ టైటిల్ విడుదల చేస్తారని పేర్కొంది. 

కాగా, ఇప్పటివరకు ఈ సినిమాకు ఎస్ఎస్ఎంబీ28 అనే వర్కింగ్ టైటిల్ కొనసాగించారు. ఇది మహేశ్ బాబుకు 28వ చిత్రం. ఇందులో మహేశ్ మాస్ లుక్ తో కనిపిస్తుండడంతో అభిమానుల అంచనాలు భారీగా ఉన్నాయి. ఈ చిత్రంలో మహేశ్ బాబు సరసన పూజా హెగ్డే, శ్రీలీల నటిస్తున్నారు. తమన్ సంగీతం అందిస్తున్నాడు.