MS dhoni: ధోనీ, రోహిత్ శర్మ.. చక్కని కెప్టెన్ ఎవరు?
- వీరిలో ఉత్తమ కెప్టెన్ ఎవరన్న ప్రశ్నకు చాట్ జీపీటీ తెలివైన సమాధానం
- వ్యక్తిగత ప్రాధాన్యం, దృక్కోణం నుంచే తేల్చుకోవాలని సూచన
- ఇద్దరూ భారత జాతీయ జట్టుకు మంచి విజయాలు తెచ్చినట్టు విశ్లేషణ
మహేంద్ర సింగ్ ధోనీ, రోహిత్ శర్మ.. ఒకరు టీమిండియా మాజీ కెప్టెన్ అయితే, మరొకరు ప్రస్తుత కెప్టెన్. ఇద్దరూ సుదీర్ఘకాలంగా సేవలు అందించినవారే. మరి వీరిలో ఉత్తమ కెప్టెన్ ఎవరు? అన్న సందేహం చాలా మందికి వస్తుంటుంది. కొందరు అయితే ఎలాంటి సందేహం లేకుండా ధోనీయే నంబర్ 1 కెప్టెన్ అని చెబుతుంటారు. నిజానికి ఫలితాలను విశ్లేషించినట్టయితే రోహిత్ శర్మ కంటే ధోనీ ముందుంటాడు. అలా అని రోహిత్ శర్మనూ తీసిపారేయడానికి లేదు. అతడూ కెప్టెన్ గా సమర్థుడే. ఇదే ప్రశ్నను ఇటీవలే అందుబాటులోకి వచ్చి బాగా ప్రాచుర్యం సంపాదించుకున్న చాట్ జీపీటీని అడిగితే.. అది కూడా చాలా తెలివిగా, కర్ర విరగకుండా, పాము చావకుండా అన్నట్టు సమాధానం ఇచ్చింది.
‘‘ఎంఎస్ ధోనీ, రోహిత్ శర్మ మధ్య కెప్టెన్ గా పోల్చి చూడడం అన్నది ఎవరికి వారు వ్యక్తిగత అభిప్రాయాలకే పరిమితం. ధోనీ, శర్మ ఇద్దరూ కూడా భారత క్రికెట్ లో విజయవంతమైన కెప్టెన్లే. చెప్పుకోతగ్గ విజయాల దిశగా జాతీయ జట్టును నడిపించారు.
