Hyderabad: ఉగ్రవాద లింక్స్‌ కేసులో హైదరాబాద్‌లో మరో ఇద్దరి అరెస్ట్

ఉగ్రవాద లింక్ కేసులో కౌంటర్ ఇంటెలిజెన్స్ అధికారులు హైదరాబాదులో సోమవారం మరో ఇద్దరిని అరెస్ట్ చేశారు. చాంద్రాయణగుట్టలోని బాబా నగర్ నుండి ఏటీఎస్ - కౌంటర్ ఇంటెలిజెన్స్ పోలీసులు వీరిని అదుపులోకి తీసుకున్నారు. హైదరాబాద్‌లో ఇటీవలే ఆరుగురిని అరెస్ట్ చేయగా, భోపాల్‌లో 11 మందిని అరెస్ట్ చేశారు. తాజాగా నేడు మరో ఇద్దరి అరెస్ట్‌తో ఈ సంఖ్య 19కి చేరుకుంది. ఉగ్రవాద సంస్థ హిజ్బ్ ఉత్ తహరీర్ తో సంబంధాలు ఉన్నాయన్న ఆరోపణలతో వీరిని అరెస్ట్ చేసి స్థానిక కోర్టులో హాజరుపరిచి భోపాల్ కు తరలించారు.