ఎన్నికల ప్రచారంలో రష్యా డ్యాన్సర్లు.. అనుమతించాలంటూ యూపీలో దరఖాస్తు
- ఉచితంగా మద్యం పంపిణీ చేయడానికి అనుమతించాలి
- ఎన్నికల అధికారులకు ఓ అభ్యర్థి దరఖాస్తు
- విచారణ మొదలు పెట్టిన పోలీసులు
కాన్పూర్ లోని అంబేద్కర్ నగర్ కు చెందిన సంజయ్ దూబే మున్సిపల్ ఎన్నికలను పర్యవేక్షించే అధికారులకు లేఖ రాశాడు. తాను రాసిన లేఖలో.. రష్యా డ్యాన్సర్లతో తన ఎన్నికల ప్రచారంలో డ్యాన్స్ చేయించేందుకు, ఉచితంగా మద్యం పంపిణీకి అనుమతించాలని కోరాడు. దీనిపై పోలీసులు విచారణ మొదలు పెట్టారు. దీంతో సంజయ్ దూబే స్పందిస్తూ, తాను లేఖ రాయలేదని, కాకపోతే అనుమతి కోరుతూ జిల్లా అధికార యంత్రాంగాన్ని సంప్రదించిన మాట వాస్తవమేనని అంగీకరించారు. యూపీ వ్యాప్తంగా మున్సిపల్ ఎన్నికలకు మే 4, మే 11న రెండు విడతల్లో నిర్వహిస్తున్నారు. నేడు లక్నో, కాన్పూర్ లో పోలింగ్ నడుస్తోంది. సీఎం యోగి ఆదిత్యనాథ్ సైతం ఓటు హక్కు వినియోగించుకున్నారు.
