ఆస్కార్ అందించబోతున్న బాలీవుడ్ స్టార్ దీపిక
- ఈ నెల 12న లాస్ ఏంజెల్స్ లో ఆస్కార్ అవార్డుల ప్రదానోత్సవం
- వేడుకలో ప్రెజెంటర్ గా ఎంపికైన దీపిక పదుకొణే
- గతేడాది కాన్స్ అవార్డుల జ్యూరీలో పాల్గొన్న హీరోయిన్
ఈనెల 12న లాస్ ఏంజెల్స్ లో (భారత్ లో మార్చి 13) జరిగే 2023 ఆస్కార్ అవార్డుల వేడుక కోసం భారతీయులంతా ఎదురు చూస్తున్నారు. ముఖ్యంగా తెలుగు ప్రేక్షకులు ఊపిరి బిగపట్టి ఉన్నారు. తెలుగు సినిమా ఖ్యాతిని ప్రపంచానికి చాటిన ఆర్ఆర్ఆర్ చిత్రం అవార్డుల రేసులో నిలవడమే ఇందుకు కారణం. ఈ చిత్రంలోని నాటు నాటు పాట ఇప్పటికే గోల్డెన్ గ్లోబ్ అవార్డు సొంతం చేసుకొని ఆస్కార్ అవార్డులకు షార్ట్ లిస్ట్ అయింది. దాంతో, ఉత్తమ ఒరిజినల్ స్కోర్ విభాగంలో ఆస్కార్ కోసం పోటీ పడుతోంది. నాటునాటుకు ఆస్కార్ రావాలని భారతీయులంతా కోరుకుంటున్నారు. అవార్డుల ప్రదానోత్సవం వేడుకలో ఆర్ఆర్ ఆర్ చిత్ర యూనిట్ పాల్గొననుంది.
వీరితో పాటు బాలీవుడ్ స్టార్ దీపికా పదుకొణే ప్రత్యేక ఆకర్షణగా నిలవనుంది. ఈ వేడుకలో అవార్డులను అందజేసే ప్రెజెంటర్లలో ఒకరిగా ఆమె ఎంపికైంది. భారత్ నుంచి దీపికకు మాత్రమే ఈ అవకాశం దక్కింది. ఇప్పటికే ప్రతిష్ఠాత్మక కాన్స్ 2022లో జ్యూరీలో కనిపించిన దీపిక ఇప్పుడు ఆస్కార్ 2023లో ప్రెజెంటర్ గా వ్యవహరించనుంది. ఈ విషయాన్ని దీపిక సోషల్ మీడియా ద్వారా వెల్లడించింది. ప్రెజెంటర్ల జాబితాను పంచుకుంది. కాగా, ఆస్కార్ వేడుకలో దీపిక ఏ విభాగం అవార్డును అందించనుందనే విషయం తెలియాల్సి ఉంది.
వీరితో పాటు బాలీవుడ్ స్టార్ దీపికా పదుకొణే ప్రత్యేక ఆకర్షణగా నిలవనుంది. ఈ వేడుకలో అవార్డులను అందజేసే ప్రెజెంటర్లలో ఒకరిగా ఆమె ఎంపికైంది. భారత్ నుంచి దీపికకు మాత్రమే ఈ అవకాశం దక్కింది. ఇప్పటికే ప్రతిష్ఠాత్మక కాన్స్ 2022లో జ్యూరీలో కనిపించిన దీపిక ఇప్పుడు ఆస్కార్ 2023లో ప్రెజెంటర్ గా వ్యవహరించనుంది. ఈ విషయాన్ని దీపిక సోషల్ మీడియా ద్వారా వెల్లడించింది. ప్రెజెంటర్ల జాబితాను పంచుకుంది. కాగా, ఆస్కార్ వేడుకలో దీపిక ఏ విభాగం అవార్డును అందించనుందనే విషయం తెలియాల్సి ఉంది.
