పాకిస్థాన్ పై అదరగొట్టిన జెమీమా రోడ్రిగ్స్ కు వేలంలో రూ.2.2 కోట్ల ధర

13-02-2023 Mon 16:14 Sports

Jemimah Rodrigues sold to Delhi Capitals in WPL auction

ముంబయిలో డబ్ల్యూపీఎల్ వేలం
జెమీమాను కొనుగోలు చేసిన ఢిల్లీ క్యాపిటల్స్
యువ బ్యాటర్ షెఫాలీ వర్మకు రూ.2 కోట్లు
దీప్తి శర్మకు రూ.2.60 కోట్ల ధర

ఉమెన్స్ ప్రీమియర్ లీగ్ (డబ్ల్యూపీఎల్) ఆటగాళ్ల వేలం ముంబయిలో కొనసాగుతోంది. టీ20 వరల్డ్ కప్ లో పాకిస్థాన్ పై టీమిండియా విజయంలో కీలకపాత్ర పోషించిన యువ బ్యాటర్ జెమీమా రోడ్రిగ్స్ కు వేలంలో భారీ ధర లభించింది. జెమీమా కనీస ధర రూ.50 లక్షలు కాగా... ఆమెను రూ.2.20 కోట్లకు ఢిల్లీ క్యాపిటల్స్ ఫ్రాంచైజీ కొనుగోలు చేసింది.

ఇంగ్లండ్ క్రీడాకారిణి నటాలీ షివర్ ను రూ.3.20 కోట్లతో ముంబయి ఇండియన్స్ కొనుగోలు చేసింది. ఆమె ప్రారంభ ధర రూ.50 లక్షలు. ఇక, ఇటీవల తన అద్భుత నాయకత్వంతో భారత్ కు అండర్-19 వరల్డ్ కప్ టైటిల్ అందించిన యువ బ్యాటర్ షెఫాలీ వర్మకు వేలంలో రూ.2 కోట్ల ధర లభించింది. ఆమెను ఢిల్లీ క్యాపిటల్స్ కొనుగోలు చేసింది.

ఇతర కొనుగోళ్ల వివరాలు...