మూడు రోజుల్లోనే 'పఠాన్' వసూళ్లు 300 కోట్లు!

బాలీవుడ్ బాద్ షా కొత్త సినిమా పఠాన్ ప్రపంచవ్యాప్తంగా సంచలన విజయం దిశగా దూసుకుపోతోంది. విడుదలైన మూడు రోజుల్లోనే రూ.300 కోట్లు రాబట్టింది. షారుఖ్ ఖాన్ కు ఈ సినిమా సూపర్ హిట్ గా మారనుందని సినీపండితులు అంచనా వేస్తున్నారు. నాలుగేళ్లుగా ఎదురుచూస్తున్న తన అభిమానులకు షారుఖ్ విందుభోజనంలాంటి సినిమాను అందించారని చెబుతున్నారు. 

ఈ నెల 25న విడుదలైన పఠాన్ సినిమా బాక్సాఫీసు వద్ద కనకవర్షం కురిపిస్తోంది. అంచనాలను మించి వసూళ్లను రాబడుతోంది. రెండో రోజే ఈ సినిమా 150 కోట్ల క్లబ్ లో చేరగా.. మూడో రోజు ప్రపంచవ్యాప్తంగా 300 కోట్ల రూపాయిలను వసూలు చేసింది. భారత దేశంలో మూడో రోజు పఠాన్ వసూళ్లు రూ.34 నుంచి రూ.36 కోట్ల వరకు ఉంటాయని ట్రేడ్ అనలిస్ట్ రమేశ్ బాలా చెప్పారు. ఈ మూడు రోజుల్లో దేశం మొత్తం మీద ఈ సినిమా వసూలు చేసిన మొత్తం రూ.157 కోట్లు అని తెలిపారు.