Remote Voting Mission: రిమోట్ ఓటింగ్ మిషన్ పై ముగిసిన అఖిలపక్ష సమావేశం

ఢిల్లీలో రిమోట్ ఓటింగ్ మిషన్ (ఆర్ వీఎం) పై అఖిలపక్ష సమావేశం ముగిసింది. కేంద్ర ఎన్నికల సంఘం ప్రతిపాదించిన ఆర్ వీఎంపై చర్చించేందుకు ఈ అఖిలపక్షం ఏర్పాటు చేశారు. దేశంలో వలస ఓటర్లు ఎక్కడినుంచైనా ఓటు వేసేలా ఈసీ... ఆర్ వీఎంను ప్రతిపాదించింది. అయితే ఈ రిమోట్ ఓటింగ్ మిషన్ ను రాజకీయ పార్టీలు వ్యతిరేకించాయి. ఈ సమావేశానికి కాంగ్రెస్, శివసేన, ఆర్జేడీ, సీపీఎం, జేడీయూ, జేఎంఎం, నేషనల్ కాంగ్రెస్, వీసీకే, పీడీపీ తదితర రాజకీయ పక్షాలు హాజరయ్యాయి. 

కాంగ్రెస్ సీనియర్ నేత దిగ్విజయ్ సింగ్ స్పందిస్తూ, ఈసీ ప్రతిపాదించిన ఆర్ వీఎంను అన్ని పార్టీలు ఏకగ్రీవంగా వ్యతిరేకించాయని వెల్లడించారు. ఈ నెల 25న మరోసారి సమావేశమై విస్తృతంగా చర్చిస్తామని తెలిపారు.