Karthik Raju: ఇంట్రెస్టింగ్ కంటెంట్ తో 'అథర్వ' .. స్పెషల్ పోస్టర్ రిలీజ్!
- విభిన్నమైన కథాంశంతో రూపొందిన 'అథర్వ'
- దర్శకుడిగా మహేశ్ రెడ్డి పరిచయం
- సంగీతాన్ని అందించిన శ్రీచరణ్ పాకాల
- త్వరలో నాలుగు భాషల్లో విడుదల
కార్తీక్ రాజు హీరోగా, సిమ్రన్ చౌదరి .. ఐరా హీరోయిన్లుగా నటించిన 'అథర్వ' సినిమాను వివిధ భాషల్లో విడుదల చేసేందుకు సన్నాహాలు చేస్తున్నారు. ఈ సినిమాను మహేష్‌ రెడ్డి రూపొందిస్తుండగా .. సుభాష్ నూతలపాటి నిర్మిస్తున్నారు. ఈ సినిమాలో అరవింద్ కృష్ణ ప్రముఖ పాత్రను పోషించాడు .. ఈ రోజున ఆయన బర్త్ డే.
ఈ సందర్భంగా ఈ సినిమా టీమ్ ఆయనకి శుభాకాంక్షలు చెబుతూ స్పెషల్ పోస్టర్‌ను రిలీజ్ చేశారు. ఈ పోస్టర్‌లో అరవింద్ కృష్ణ ఎంతో సీరియస్‌ లుక్‌లో కనిపిస్తున్నారు. ఇప్పటి వరకు ఈ సినిమా నుంచి కార్తిక్ రాజు, సిమ్రన్ చౌదరి, ఐరా పాత్రలకు సంబంధించిన ఫస్ట్ లుక్‌లను విడుదల చేశారు. సోషల్ మీడియాలో ఈ పోస్టర్‌లకు మంచి స్పందన లభించింది. దాంతో సినిమాకి మంచి బజ్ ఏర్పడింది.
ఈ సినిమా షూటింగ్ పూర్తికావడంతో పోస్ట్ ప్రొడక్షన్ పనులను మొదలెట్టారు. త్వరలోనే టీజర్‌ను రిలీజ్ చేయాలని ప్లాన్ చేస్తున్నారు. క్రైమ్, థ్రిల్లింగ్ ఎలిమెంట్స్ మాత్రమే కాకుండా.. ఈ సినిమాలో ఇంకా ఎన్నో ఎమోషన్స్ ఉన్నాయి. లవ్ .. రొమాన్స్ .. కామెడీ ఇలా అన్ని జోనర్లను టచ్ చేసేలా సినిమా ఉంటుందని మేకర్స్ తెలిపారు.
ఈ సినిమా కోసం టాప్ టెక్నీషియన్లు పని చేశారు. 'డీజే టిల్లు' .. 'మేజర్' సినిమాలకు సంగీతం అందించిన శ్రీచరణ్ పాకాల, ఈ సినిమాకి బాణీలను సమకూర్చారు. కార్తిక్ రాజు .. సిమ్రన్ చౌదరి .. ఐరా .. అరవింద్ కృష్ణ .. కబీర్ సింగ్ దుల్హన్ తదితరులు నటించిన ఈ సినిమాను, తెలుగు .. తమిళ .. మలయాళ .. కన్నడ భాషల్లో రిలీజ్ చేయనున్నారు.
.
