Jeff Bezos: డబ్బు దాచుకోండి... ఫ్రిజ్ లు, టీవీలు కొనకండి: జెఫ్ బెజోస్ ఆసక్తికర సూచన

ప్రముఖ ఈ-కామర్స్ పోర్టల్ అమెజాన్ వ్యవస్థాపకుడు, ప్రపంచ కుబేరుడు జెఫ్ బెజోస్ ఓ ఇంటర్వ్యూలో ఆసక్తికర వ్యాఖ్యలు చేశారు. ఈ పండుగ (క్రిస్మస్) సీజన్ లో డబ్బు ఖర్చు చేసుకోకుండా దాచుకోవాలని అమెరికన్లకు సూచించారు. ఆర్థిక వ్యవస్థ పరిస్థితి క్షీణిస్తోందని, ఇలాంటి సమయంలో కార్లు, పెద్ద టీవీలు, ఫ్రిజ్ లు కొనుగోలు కొనుగోలు చేయవద్దని పేర్కొన్నారు. 

ఏదైనా భారీ ఎత్తున కొనుగోలు చేయాలనుకుంటే ఆ నిర్ణయాన్ని వాయిదా వేసుకోవాలని తెలిపారు. చిన్న తరహా వ్యాపారులు కొత్త పెట్టుబడుల జోలికి వెళ్లకుండా, తమ డబ్బును జాగ్రత్త చేసుకోవాలని అన్నారు. ఒకవేళ రిస్క్ తీసుకుని కొనుగోలు చేస్తే, ఆ తర్వాత ఆర్థిక వ్యవస్థ క్షీణ దశలో ఇబ్బందులు ఎదుర్కోవాల్సి ఉంటుందని హెచ్చరించారు.