Venkaiah Naidu: లండ‌న్‌లో కుటుంబ సభ్యులతో కలిసి వినాయక చవితి వేడుక‌ల్లో వెంక‌య్య... ఫొటోలు ఇవిగో
- లండన్ టూర్ వెళ్లిన వెంక‌య్య
- అక్క‌డే వినాయక చవితి వేడుక‌ల్లో పాలుపంచుకున్న వైనం
- ఫొటోల‌ను సోష‌ల్ మీడియాలో షేర్ చేసిన మాజీ ఉప‌రాష్ట్రప‌తి
భార‌త మాజీ ఉప‌రాష్ట్రప‌తి ముప్ప‌వ‌ర‌పు వెంకయ్యనాయుడు ప్ర‌స్తుతం లండన్ టూర్‌లో ఉన్నారు. స‌తీస‌మేతంగా లండన్ వెళ్లిన వెంకయ్యనాయుడు అక్క‌డ త‌న కుటుంబ సభ్యులతో గ‌డుపుతున్నారు. ఈ క్ర‌మంలో బుధ‌వారం వినాయక చ‌వితిని పుర‌స్క‌రించుకుని...లండ‌న్‌లోనే ఆయ‌న త‌న కుటుంబ సభ్యులతో కలిసి వినాయక చవితి వేడుక‌ల్లో పాలుపంచుకున్నారు.
లండన్ లో కుటుంబ సభ్యులతో కలిసి వినాయక చవితి వ్రతాన్ని ఆచరించడం ఆనందాన్ని అందించిందని ఈ సంద‌ర్భంగా ఆయ‌న సోష‌ల్ మీడియా వేదిక‌గా ఓ పోస్ట్‌ను పెట్టారు. ప్రజలందరికీ తమతమ రంగాల్లో విజయాలను అందించాలని అంబాసుతుణ్ని ప్రార్థించానంటూ ఆయ‌న పేర్కొన్నారు. చవితి వేడుక‌ల్లో పాలుపంచుకున్న త‌న ఫొటోల‌ను ఆయ‌న సోష‌ల్ మీడియాలో పంచుకున్నారు.
