మహారాష్ట్ర సీఎం పదవికి ఉద్ధవ్ థాకరే రాజీనామా
- రేపు మహారాష్ట్ర అసెంబ్లీలో బల పరీక్ష
- బల పరీక్షకు ముందే సీఎం పదవికి ఉద్ధవ్ రాజీనామా
- ఫేస్బుక్ లైవ్ ద్వారా ప్రకటించిన శివసేన చీఫ్
- తమ ప్రభుత్వ పతనం వెనుక కేంద్రం కుట్ర ఉందని ఆరోపణ
సీఎం పదవికి రాజీనామాను ప్రకటించిన సందర్భంగా ఉద్ధవ్ థాకరే పలు కీలక అంశాలను ప్రస్తావించారు. శివాజీ మహారాజ్ ఆశయాలతో పాటు బాలా సాహెబ్ ఆశయాలను కొనసాగిస్తామని ప్రకటించిన ఉద్ధవ్... తమ ప్రభుత్వం పతనం వెనుక కేంద్రం కుట్ర ఉందని ఆరోపించారు. తనకు సహకరించిన కాంగ్రెస్ పార్టీ అధినేత్రి సోనియా గాంధీ, ఎన్సీపీ అధినేత శరద్ పవార్లకు ఆయన కృతజ్ఞతలు తెలిపారు. బల పరీక్షకు సంబంధించి సుప్రీంకోర్టు తీర్పును గౌరవిస్తున్నట్లు ఆయన చెప్పారు.
