రూ.151 ప్లాన్ తో బంపర్ ఆఫర్ ప్రకటించిన జియో

భారత టెలికాం రంగంలో విప్లవం అనదగ్గ రిలయన్స్ జియో తన వినియోగదారుల కోసం సరికొత్త ప్లాన్ ను తీసుకువచ్చింది. రూ.151 విలువతో ఓ డేటా ప్లాన్ ను ప్రకటించింది. ఈ డేటా ప్లాన్ తీసుకుంటే 8 జీబీ డేటా లభిస్తుంది. 90 రోజుల వ్యాలిడిటీ కలిగి ఉంటుంది. జియో తన కొత్త ప్లాన్ తో ఓ బంపర్ ఆఫర్ కూడా అందిస్తోంది. 

ఇక ఈ రూ.151 ప్లాన్ ను కొనుగోలు చేసిన వారు డిస్నీ ప్లస్ హాట్ స్టార్ మొబైల్ సబ్ స్క్రిప్షన్ ను ఉచితంగా పొందవచ్చు. అయితే ఏదైనా సాధారణ ప్లాన్ పై కొనసాగుతున్నప్పుడు మాత్రమే ఈ డేటా ప్లాన్ ను కొనుగోలు చేసే వీలుంటుంది. 

ఇవే కాకుండా రూ.333, రూ.583, రూ.783 ప్లాన్లను కూడా జియో ప్రకటించింది. వీటన్నింటిలోనూ మూడు నెలల కాలపరిమితితో డిస్నీ ప్లస్ హాట్ స్టార్ సబ్ స్క్రిప్షన్ లభిస్తుంది.