'ఎఫ్ 3' హిట్ తమన్నాకు కూడా కీలకమే!

కొంతకాలంగా చూసుకుంటే తమన్నా సక్సెస్ గ్రాఫ్ అంతంత మాత్రంగానే ఉంది. 'ఎఫ్ 2' తరువాత తెలుగు .. తమిళ .. హిందీ భాషల్లోనూ ఆమె కొన్ని సినిమాలు చేసింది. కానీ ఏ సినిమా కూడా ఆమె స్థాయికి తగిన హిట్ ఇవ్వలేకపోయింది. టాక్ పరంగా .. వసూళ్ల పరంగా 'ఎఫ్ 2'ను దాటుకుని ముందుకు వెళ్లలేకపోయింది.

హీరోయిన్ గా చేసిన సినిమాలు ఆశించిన స్థాయిలో ఆడకపోవడంతో, అడపాదడపా స్పెషల్ సాంగ్స్ చేయడానికి కూడా ఆమె వెనుకాడటం లేదు. ఇప్పుడు కూడా ఆమె సినిమాలు కొన్ని రిలీజ్ కి ఉన్నాయి. కానీ ఒక్క 'ఎఫ్ 3' సినిమాకి మినహాయించి ఏ సినిమాకి కూడా బజ్ లేదు.

'ఎఫ్ 3' సినిమా ఈ నెల 27వ తేదీన విడుదల కానుంది. ఈ సినిమాలో మెహ్రీన్ .. సోనాల్ చౌహాన్ .. పూజ హెగ్డేకి మించి తమన్నా గ్లామర్ ఒలకబోసినట్టుగా పాటలను బట్టి తెలుస్తోంది. ఈ సినిమా తనకి మరికొంత మైలేజ్ ఇస్తుందని తమన్నా భావిస్తోంది. మరి ఆమె ఆశించినట్టుగా జరుగుతుందా? లేదా? అనేది చూడాలి.