Kangana Ranaut: రూ.3.6 కోట్లతో కొత్త కారు కొనుగోలు చేసిన కంగన

ఓ వైపు సినిమాలు, మరోవైపు వివాదాలతో సహవాసం చేసే బాలీవుడ్ నటి కంగనా రనౌత్ కొత్త కారు కొనుగోలు చేసింది. తను నటించిన ధాకడ్ సినిమా ప్రీమియర్ షో సందర్భంగా కంగన తన కొత్త కారుతో దర్శనమిచ్చింది. కంపెనీ ప్రతినిధులు ఆమెకు కారు తాళాలను అందజేశారు. కంగన కొనుగోలు చేసిన ఈ కారు ఖరీదు రూ.3.6 కోట్లు. ఇది మెర్సిడెస్ మేబాక్ ఎస్680 మోడల్ కారు. ధాకడ్ ప్రీమియర్ షోకి కంగన తన కుటుంబ సభ్యులతో కలిసి విచ్చేసింది. కొత్త కారుకు కంగన తల్లి పూజా కార్యక్రమాలు నిర్వహించారు.