Chandrababu: చంద్ర‌న్నా, పెద్ద‌న్నా.. ఆక‌ట్టుకుంటున్న చంద్ర‌బాబు బ‌ర్త్ డే సాంగ్ ప్రోమో

టీడీపీ అధినేత నారా చంద్ర‌బాబునాయుడు బుధ‌వారం త‌న జ‌న్మ‌దినాన్ని జ‌రుపుకుంటున్న సంగ‌తి తెలిసిందే. ఈ సందర్భంగా పార్టీ అభిమానులు ఓ ప్ర‌త్యేక గీతాన్ని రూపొందించారు. చంద్ర‌న్నా, పెద్ద‌న్నా అంటూ సాగే ఈ గీతం ప్రోమోను టీడీపీ త‌న అధికారిక‌ ట్విట్ట‌ర్ వేదికగా కాసేప‌టి క్రితం విడుద‌ల చేసింది. ఈ ప్రోమో పార్టీ శ్రేణుల‌నే కాకుండా సామాన్య జ‌నాన్ని కూడా విశేషంగా ఆక‌ట్టుకుంటోంది. సినిమా పాట‌ల‌కు ఏమాత్రం త‌గ్గ‌ని రీతిలో ఉన్న ఈ గీతం టీడీపీ శ్రేణుల్లో మ‌రింత ఉత్సాహం నింప‌డం ఖాయ‌మ‌న్న వ్యాఖ్యలు వినిపిస్తున్నాయి.

అధినేత పుట్టిన రోజంటే పార్టీ శ్రేణులకు పండుగే కదా అంటూ పేర్కొన్న టీడీపీ.. తమ అధినేత గురించి ఎంతో గర్వంగా చెప్పుకునే పార్టీ కార్యకర్తలకు మరింత మహదానందకరమంటూ ఆస‌క్తిక‌ర వ్యాఖ్య‌లు చేసింది. తెలుగుదేశం పార్టీ జాతీయ అధ్యక్షులు నారా చంద్రబాబునాయుడు పుట్టినరోజు సందర్భంగా అభిమానులు రూపొందించిన వీడియో సాంగ్ ప్రోమో చూడండి.. అంటూ టీడీపీ త‌న ట్విట్ట‌ర్ ఖాతాలో ఈ ప్రోమోను పోస్ట్ చేసింది.