Mike Tyson: 'లైగర్' లో తన పాత్రకు డబ్బింగ్ చెప్పిన మహాబలుడు మైక్ టైసన్
విజయ్ దేవరకొండ హీరోగా పూరీ జగన్నాథ్ డైరెక్షన్ లో రూపుదిద్దుకున్న లైగర్ చిత్రంలో బాక్సింగ్ దిగ్గజం మైక్ టైసన్ కూడా నటించిన సంగతి తెలిసిందే. తాజాగా, మైక్ టైసన్ ఈ చిత్రంలో తన పాత్రకు డబ్బింగ్ చెప్పుకున్నారు. టైసన్ ఈ చిత్రంలో కీలక పాత్ర పోషిస్తుండగా, అతడిపై సన్నివేశాలను చిత్రబృందం అమెరికా వెళ్లి షూట్ చేసింది. ప్రస్తుతం లైగర్ పోస్ట్ ప్రొడక్షన్ పనులు జరుపుకుంటోంది.
ఈ నేపథ్యంలో, చిత్రయూనిట్ టైసన్ డబ్బింగ్ కు సంబంధించి ఓ వీడియోను పంచుకుంది. డబ్బింగ్ పనులు పూర్తయిన అనంతరం, టైసన్ అందరికీ కృతజ్ఞతలు తెలిపారు. ఈ చిత్రంలో విజయ్ దేవరకొండ సరసన అనన్య పాండే కథానాయికగా నటించింది. పూరీ కనెక్ట్స్, ధర్మా ప్రొడక్షన్ బ్యానర్లపై లైగర్ తెరకెక్కింది. ఈ చిత్రం ఆగస్టు 25న ప్రేక్షకుల ముందుకు రానుంది.
ఈ నేపథ్యంలో, చిత్రయూనిట్ టైసన్ డబ్బింగ్ కు సంబంధించి ఓ వీడియోను పంచుకుంది. డబ్బింగ్ పనులు పూర్తయిన అనంతరం, టైసన్ అందరికీ కృతజ్ఞతలు తెలిపారు. ఈ చిత్రంలో విజయ్ దేవరకొండ సరసన అనన్య పాండే కథానాయికగా నటించింది. పూరీ కనెక్ట్స్, ధర్మా ప్రొడక్షన్ బ్యానర్లపై లైగర్ తెరకెక్కింది. ఈ చిత్రం ఆగస్టు 25న ప్రేక్షకుల ముందుకు రానుంది.
