'ఖిలాడి'కి గుమ్మడికాయ కొట్టేస్తారట!

రవితేజ కథానాయకుడిగా రమేశ్ వర్మ దర్శకత్వంలో 'ఖిలాడి' సినిమా రూపొందుతోంది. సత్యనారాయణ కోనేరు నిర్మిస్తున్న ఈ సినిమాను ఫిబ్రవరి 11వ తేదీన విడుదల చేయనున్నారు. ఆ దిశగానే అందుకు సంబంధించిన సన్నాహాలు చకచకా జరిగిపోతున్నాయి. ప్రస్తుతం ఈ సినిమాకి సంబంధించిన ఒక పాటను చిత్రీకరిస్తున్నారు.

ఈ పాట చిత్రీకరణతో ఈ సినిమా షూటింగు పార్టు మొత్తం పూర్తవుతుందని అంటున్నారు. త్వరలో గుమ్మడికాయ కొట్టేయడానికి రెడీ అవుతున్నారు. ఈ సినిమాకి దేవిశ్రీ ప్రసాద్ సంగీతాన్ని సమకూర్చాడు. ఇంతవరకు వదిలిన రెండు సింగిల్స్ కి మంచి రెస్పాన్స్ వచ్చింది. మూడో సింగిల్ ను ఈ నెల 31వ తేదీన వదలనున్నారు.

భారీతారాగణం ఈ సినిమాకి ప్రత్యేకమైన ఆకర్షణగా నిలవనుంది. రవితేజ సరసన నాయికలుగా మీనాక్షి చౌదరి - డింపుల్ హయతి అందాల సందడి చేయనున్నారు. కీలకమైన పాత్రల్లో అర్జున్ .. సచిన్ ఖేడ్కర్ .. ముఖేశ్ రుషి కనిపించనున్నారు. రావు రమేశ్ .. ఉన్ని ముకుందన్ .. మురళీ శర్మ .. అనసూయ ముఖ్యమైన పాత్రలను పోషించారు.