సన్ రైజర్స్ పై టాస్ నెగ్గిన చెన్నై సూపర్ కింగ్స్

పాయింట్ల పట్టికలో చిట్టచివరి స్థానంలో ఉన్న సన్ రైజర్స్ హైదరాబాద్ జట్టు నేడు చెన్నై సూపర్ కింగ్స్ తో తలపడుతోంది. టాస్ గెలిచిన చెన్నై జట్టు బౌలింగ్ ఎంచుకుంది. చెన్నై జట్టు ఇప్పటివరకు 10 మ్యాచ్ లు ఆడి 8 విజయాలతో పాయింట్ల పట్టికలో అగ్రస్థానంలో కొనసాగుతోంది. అదే సమయంలో హైదరాబాద్ జట్టు 10 మ్యాచ్ లు ఆడి గెలిచింది రెండే.

ఈ మ్యాచ్ ఫలితంతో హైదరాబాద్ జట్టుకు ఎలాంటి ఉపయోగం లేదు. ఇప్పటికే ఆ జట్టు ప్లే ఆఫ్స్ రేసు నుంచి నిష్క్రమించింది. చెన్నై జట్టు తన నెంబర్ వన్ పొజిషన్ ను మరింత పదిలపర్చుకోవడానికి ఈ మ్యాచ్ విజయం ఉపకరిస్తుంది. ఈ మ్యాచ్ కోసం సన్ రైజర్స్ జట్టులో ఎలాంటి మార్పులు లేవు. చెన్నై జట్టులో శామ్ కరన్ స్థానంలో డ్వేన్ బ్రావో జట్టులోకి వచ్చాడు.