పొలం దున్నుతుండగా బయటపడ్డ దేవతామూర్తుల విగ్రహాలు.. చూసేందుకు భారీగా తరలివస్తోన్న ప్రజలు
- ప్రకాశం జిల్లా వెలిగండ్ల మండలం గన్నవరంలో ఘటన
- అంబయ్య అనే రైతు పొలం దున్నుతుండగా విగ్రహాలు లభ్యం
- పొలంలో లక్ష్మీదేవి, కృష్ణుడి విగ్రహాలకు పూజలు
ప్రకాశం జిల్లా వెలిగండ్ల మండలం గన్నవరంలో అంబయ్య అనే రైతు పొలం దున్నుతుండగా పురాతన విగ్రహాలు బయటపడ్డాయి. పొలంలో లక్ష్మీదేవి, కృష్ణుడి విగ్రహాలు లభ్యం కావడంతో ఆ రైతు వాటిని పొలం వద్దే ఉంచాడు. దీంతో దేవతామూర్తుల విగ్రహాలను చూసేందుకు సమీప గ్రామాల ప్రజలు భారీగా అక్కడకు తరలివస్తున్నారు. లక్ష్మీదేవి, కృష్ణుడి విగ్రహాలకు స్థానికులు కూడా పూజలు చేస్తున్నారు. గన్నవరానికి భారీగా ప్రజలు తరలివస్తుండడంతో అక్కడ సందడి నెలకొంది.
