కడుపునొప్పితో వచ్చిన మహిళ.. కడుపులో నుంచి రెండున్నర కిలోల వెంట్రుకలు తీసిన నిర్మల్‌ జిల్లా వైద్యులు

నిర్మల్‌ జిల్లా కేంద్రంలో  ఓ మహిళకు అప‌రేష‌న్ చేసిన వైద్యులు ఆమె కడుపులో నుంచి రెండున్నర కిలోల వెంట్రుకలు బయటకు తీశారు. ఆ మ‌హిళ క‌డుపునొప్పితో బాధ‌ప‌డుతుండ‌డంతో ప‌రీక్ష‌లు చేసిన వైద్యులు శ‌స్త్ర‌చికిత్స చేశారు. ఆ మ‌హిళ  మానసిక స్థితి సరిగా లేద‌ని, ఆమెకు వెంట్రుకలు పీక్కొని తినే అలవాటు ఉంద‌ని వైద్యులు తెలిపారు.

ఈ నేప‌థ్యంలో క‌డుపులో వెంట్రుక‌లు ఉన్నాయ‌ని, ఈ మధ్య తరచూ కడుపు నొప్పి వ‌స్తుండేద‌ని చెప్పారు. ఇటీవ‌ల ఆమెకు తీవ్రంగా కడుపు నొప్పి రావంతో ఆమె బంధువులు ఆసుప‌త్రికి తీసుకురావ‌డంతో పరీక్షలు నిర్వహించామ‌ని వివ‌రించారు. ఆమె కడుపులో నుంచి రెండున్నర కిలోల వెంట్రుకలను తీసివేశామని, ఆప‌రేష‌న్  విజయవంతం అయింద‌ని వివరించారు.