Varla Ramaiah: జగన్ గారూ.. మీ వాళ్ళు తేడాగా లేరూ?: వర్ల రామయ్య

గుంటూరు జిల్లా పల్నాడు ప్రాంతం అధికార, ప్రతిపక్ష నేతల సవాళ్లు, ప్రతిసవాళ్లతో అట్టుడుకుతోంది. గురజాల ఎమ్మెల్యే కాసు మహేశ్ రెడ్డి వారాలబ్బాయ్ అంటూ టీడీపీ నేత, మాజీ ఎమ్మెల్యే యరపతినేని శ్రీనివాస్ తొడకొట్టారు. వైసీపీ ప్రభుత్వంలో అవినీతి, అరాచకత్వం పెరిగిపోయాయని విమర్శించారు. అధికార పార్టీకి సవాళ్లు విసురుతూ తొడకొట్టారు. దీనిపై వైసీపీ నేత సజ్జల రామకృష్ణారెడ్డి స్పందిస్తూ... యరపతినేనికి తొడే లేదని ఎద్దేవా చేశారు.

ఈ నేపథ్యంలో టీడీపీ నేత వర్ల రామయ్య ట్విట్టర్ ద్వారా స్పందిస్తూ, 'ముఖ్యమంత్రి గారూ! నిన్న బహిరంగసభలో యరపతినేని ప్రత్యర్థులపై తొడ గొట్టాడు. వేదికపై నేను కూడా వున్నాను. మీ సజ్జలగారు యరపతినేనికి తొడే లేదంటారు. అంత నిశితంగా పరిశీలించే అవకాశం సజ్జలకు ఎలా వచ్చింది? ఇంకో మంత్రి 'వయాగ్రా' తీసుకుంటే ఇలా ఉంటారని భాష్యం చెపుతారు. మీ వాళ్ళు తేడాగా లేరూ?' అని వర్ల ట్వీట్ చేశారు.