పశ్చిమబెంగాల్ మాజీ ముఖ్యమంత్రి బుద్ధదేవ్ భట్టాచార్య ఆరోగ్య పరిస్థితి విషమం

పశ్చిమబెంగాల్ మాజీ ముఖ్యమంత్రి బుద్ధదేవ్ భట్టాచార్య ఆరోగ్య పరిస్థితి విషమంగా ఉంది. ఊపిరి తీసుకోవడంలో తీవ్ర ఇబ్బందులు తలెత్తడంతో ఆయనను హుటాహుటిన కోల్ కతాలోని ఓ ప్రైవేటు ఆసుపత్రిలో చేర్పించారు. కరోనా పరీక్షల్లో మాత్రం ఆయనకు నెగెటివ్ వచ్చింది. కానీ, ఆయన కండిషన్ క్రిటికల్ గానే ఉన్నట్టు అధికారులు తెలిపారు.

76 ఏళ్ల భట్టాచార్య ప్రస్తుతం క్రిటికల్ కేర్ యూనిట్ లో ఉన్నారు. ఈ విషయాన్ని ఆసుపత్రికి చెందిన ఓ సీనియర్ అధికారి చెప్పారు. అయితే, కరోనా నెగెటివ్ రావడం ఒక గుడ్ న్యూస్ అని అన్నారు. ఆయన శరీరం చికిత్సకు స్పందిస్తోందని చెప్పారు. బీపీ, పల్స్ రేటు సాధారణంగా ఉన్నాయని తెలిపారు. వృద్ధాప్య సంబంధిత రుగ్మతలతో ఆయన బాధపడుతున్నారని చెప్పారు.