ఉదయ్ పూర్ పయనమైన పవన్ కల్యాణ్... ఫొటోలు ఇవిగో!

జనసేనాని పవన్ కల్యాణ్ రాజకీయాలకు స్వల్ప విరామం ప్రకటిస్తూ రాజస్థాన్ లోని ఉదయ్ పూర్ కు పయనమయ్యారు. పవన్ సోదరుడు నాగబాబు కుమార్తె నిహారిక వివాహం రేపు ఉదయ్ పూర్ లో జరగనుంది. ఇప్పటికే చిరంజీవి, రామ్ చరణ్, అల్లు అర్జున్, అల్లు అరవింద్ తదితరులంతా ఉదయ్ పూర్ చేరుకుని సందడి చేస్తున్నారు.

పవన్ లేని లోటు కనిపిస్తోందని అభిమానులు భావిస్తున్నంతలో మెగా ఫ్యాన్స్ అందరినీ సంతోషానికి గురిచేస్తూ పవన్ కల్యాణ్ ఈ సాయంత్రం బేగంపేట విమానాశ్రయం నుంచి ప్రత్యేక విమానంలో ఉదయ్ పూర్ బయల్దేరారు. దీనికి సంబంధించిన ఫొటోలు సోషల్ మీడియాలో సందడి చేస్తున్నాయి.