Andhra Pradesh: దేశంలో కరోనా అత్యధికంగా ఉన్న జిల్లాల జాబితాలో ఐదు ఏపీ జిల్లాలు!

భారత్ లో ఇప్పటివరకు 76 లక్షల కరోనా కేసులు నమోదు కాగా, 67 లక్షల మంది కోలుకున్నారు. మొత్తం 1.15 లక్షల మంది కరోనా కారణంగా మరణించారు. ఈ నేపథ్యంలో కేంద్రం దేశంలో కరోనా వ్యాప్తి అత్యధికంగా ఉన్న జిల్లాల జాబితాను విడుదల చేసింది.

ఈ జాబితాలో ఏపీకి చెందిన ఐదు జిల్లాలు ఉన్నాయి. దేశంలో మొత్తం 30 జిల్లాల్లో కరోనా మహమ్మారి విజృంభణ కొనసాగుతోందని కేంద్ర ఆరోగ్య మంత్రిత్వ శాఖ వెల్లడించింది. ఏపీలో తూర్పు గోదావరి, పశ్చిమ గోదావరి, గుంటూరు, ప్రకాశం, చిత్తూరు జిల్లాల్లో ఈ రాకాసి వైరస్ కోరలు చాస్తోందని గుర్తించారు.

మొత్తం 30 జిల్లాల జాబితా ఇదే...

• తూర్పు గోదావరి
• పశ్చిమ గోదావరి
• గుంటూరు
• ప్రకాశం
• చిత్తూరు
• చెన్నై
• తిరువళ్లూరు
• కోయంబత్తూరు
• చెంగల్పట్టు
• సేలం
• పుణే
• నాగ్ పూర్
• ఠాణే
• అహ్మద్ నగర్
• ముంబయి
• తుముకూరు
• మైసూర్
• బెంగళూరు అర్బన్
• దక్షిణ కన్నడ
• హసన్
• 24 ఉత్తర పరగణాలు
• 24 దక్షిణ పరగణాలు
• హుగ్లీ
• హౌరా
• కోల్ కతా
• త్రిసూర్
• తిరువనంతపురం
• కోజికోడ్
• ఎర్నాకుళం
• మళప్పురం