Rashmika Mandanna: సినిమా కబుర్లు.. సంక్షిప్త సమాచారం 

*  టాలీవుడ్ క్రేజీ స్టార్ రష్మిక సోషల్ మీడియాలో చాలా చురుగ్గా ఉంటుంది. ఎప్పుడూ ఏదో ఒక విషయాన్ని పంచుకుంటూ అభిమానులతో ముచ్చటిస్తూ ఉంటుంది. ఇప్పుడు ఆమె ఇన్ స్టా ఫాలోవర్స్ సంఖ్య పది మిలియన్లు దాటింది. ఈ సందర్భంగా ఈ చిన్నది సంతోషాన్ని వ్యక్తం చేస్తూ అభిమానులకు థ్యాంక్స్ చెప్పింది.
*  ప్రస్తుతం 'ఆర్ఆర్ఆర్' చిత్రాన్ని చేస్తున్న ఎన్టీఆర్ తన తదుపరి చిత్రాన్ని త్రివిక్రమ్ శ్రీనివాస్ దర్శకత్వంలో చేయనున్నాడు. దీనికి సంబంధించిన ప్రీ ప్రొడక్షన్ పనులు ప్రస్తుతం జోరుగా సాగుతున్నాయి. కాగా, ఈ చిత్రం అమెరికా బ్యాక్ డ్రాప్ లో రూపొందుతుందని తెలుస్తోంది.
*  కార్తీ హీరోగా తమిళంలో వచ్చిన 'ఖైదీ' చిత్రాన్ని ఇప్పుడు అజయ్ దేవగణ్ హీరోగా హిందీలో రీమేక్ చేయడానికి సన్నాహాలు జరుగుతున్నాయి. విశేషం ఏమిటంటే, ఇందులో అజయ్ భార్య, ప్రముఖ నటి కాజోల్ కూడా నటిస్తుందని సమాచారం.