NHRC: హత్రాస్ ఘటనను సుమోటోగా స్వీకరించిన ఎన్ హెచ్ ఆర్సీ
- యువతిపై పాశవిక రీతిలో అత్యాచారం
- తీవ్రగాయాలతో చికిత్స పొందుతూ యువతి మృతి
- యూపీ సర్కారు, డీజీపీకి నోటీసులు పంపిన ఎన్ హెచ్ఆర్సీ
సభ్యసమాజం తలదించుకునేలా జరిగిన హత్రాస్ ఘటనను జాతీయ మానవ హక్కుల సంఘం సుమోటోగా స్వీకరించింది. ఉత్తరప్రదేశ్ లోని హత్రాస్ లో ఓ దళిత యువతిపై నలుగురు వ్యక్తులు అత్యంత పాశవికంగా అత్యాచారం చేసిన ఘటన దేశవ్యాప్తంగా సంచలనం సృష్టించింది. గడ్డి కోసేందుకు తల్లి, సోదరుడితో పొలం వెళ్లిన ఆ అమ్మాయి ఆచూకీ లేకుండాపోయింది. తీవ్రగాయాలపాలైన స్థితిలో సెప్టెంబరు 22న ఆమెను గుర్తించారు.
ఆమెపై అఘాయిత్యానికి పాల్పడిన దుండగులు ఆ అభాగ్యురాలి నాలుక కోసేసి, నడుం విరగ్గొట్టి అత్యంత హేయంగా ప్రవర్తించిన వైనం అందరినీ కలచివేసింది. అత్యాచార బాధితురాలు ఆసుపత్రిలో చికిత్స పొందుతూ మరణించడంతో ఆ కిరాతకులపై తీవ్ర ఆగ్రహావేశాలు వ్యక్తమవుతున్నాయి.
ఈ ఘటనను తీవ్రంగా పరిగణించిన ఎన్ హెచ్ఆర్సీ సుమోటోగా స్వీకరించి కేసు నమోదు చేసినట్టు ప్రకటించింది. ఈ ఘటనపై వివరణ కోరుతూ యూపీ సర్కారుకు, రాష్ట్ర డీజీపీకి నోటీసులు జారీ చేసింది. కాగా, మృతురాలి అంత్యక్రియలు అర్ధరాత్రి దాటిన తర్వాత హుటాహుటీన జరిపించిన నేపథ్యంలో పోలీసుల తీరుపైనా తీవ్ర విమర్శలు వస్తున్నాయి.
ఆమెపై అఘాయిత్యానికి పాల్పడిన దుండగులు ఆ అభాగ్యురాలి నాలుక కోసేసి, నడుం విరగ్గొట్టి అత్యంత హేయంగా ప్రవర్తించిన వైనం అందరినీ కలచివేసింది. అత్యాచార బాధితురాలు ఆసుపత్రిలో చికిత్స పొందుతూ మరణించడంతో ఆ కిరాతకులపై తీవ్ర ఆగ్రహావేశాలు వ్యక్తమవుతున్నాయి.
ఈ ఘటనను తీవ్రంగా పరిగణించిన ఎన్ హెచ్ఆర్సీ సుమోటోగా స్వీకరించి కేసు నమోదు చేసినట్టు ప్రకటించింది. ఈ ఘటనపై వివరణ కోరుతూ యూపీ సర్కారుకు, రాష్ట్ర డీజీపీకి నోటీసులు జారీ చేసింది. కాగా, మృతురాలి అంత్యక్రియలు అర్ధరాత్రి దాటిన తర్వాత హుటాహుటీన జరిపించిన నేపథ్యంలో పోలీసుల తీరుపైనా తీవ్ర విమర్శలు వస్తున్నాయి.
