Jagan: బెంగళూరు ఎయిర్ పోర్టులో సీఎం జగన్ సందడి

సీఎం జగన్ పెద్ద కుమార్తె హర్షారెడ్డి ఫ్రాన్స్ లోని ప్రపంచ ప్రఖ్యాత 'ఇన్సీడ్' బిజినెస్ స్కూల్ లో సీటు తెచ్చుకోవడం తెలిసిందే. వరల్డ్ టాప్-5 బిజినెస్ స్కూల్స్ లో 'ఇన్సీడ్' ఒకటి. హర్షారెడ్డి ఇటీవలే లండన్ స్కూల్ ఆఫ్ ఎకనామిక్స్ లో గ్రాడ్యుయేషన్ చేశారు. ఇప్పుడు మాస్టర్స్ డిగ్రీ పూర్తిచేసేందుకు ఆమె 'ఇన్సీడ్' లో చేరేందుకు వెళుతున్నారు. ఈ నేపథ్యంలో తన కుమార్తెను పారిస్ పంపించేందుకు సీఎం జగన్ ఈ సాయంత్రం బెంగళూరు చేరుకున్నారు. బెంగళూరు అంతర్జాతీయ విమానాశ్రయానికి చేరుకున్న సీఎం జగన్ కు స్వాగతం పలికేందుకు అభిమానులు పెద్ద సంఖ్యలో రావడంతో అక్కడ కోలాహలం ఏర్పడింది. సీఎం జగన్ ఎల్లుండి తాడేపల్లి చేరుకుంటారని తెలుస్తోంది.