అల్లు అర్జున్ 'బుట్టబొమ్మ' పాటకు స్టెప్పులేసిన కెవిన్ పీటర్సన్.. వీడియో వైరల్

త్రివిక్రమ్‌ దర్శకత్వంలో వచ్చిన ‘అల వైకుంఠపురములో’ సినిమాలోని ‘బుట్టబొమ్మ’ పాటకు అల్లు అర్జున్ స్టెప్పులు అదరగొట్టేసిన విషయం తెలిసిందే. ఈ పాటకు ఆస్ట్రేలియా క్రికెటర్, ఐపీఎల్‌లో సన్‌రైజర్స్ హైదరాబాద్ జట్టు కెప్టెన్ డేవిడ్ వార్నర్ డ్యాన్స్ చేసి అదరగొట్టడం బన్నీ అభిమానులను ఖుషీ చేసింది. ఇప్పుడు మరో మాజీ క్రికెటర్ ఇదే పాటకు  స్టెప్పులు వేశారు.

బుట్టబొమ్మ పాటకు ఇంగ్లండ్ మాజీ కెప్టెన్ కెవిన్ పీటర్సన్ డ్యాన్స్ చేశారు. కొన్ని రోజుల నుంచి ఆయన టిక్ టాక్‌లో చాలా వీడియోలు పోస్ట్ చేస్తున్నారు. ఆయనకు సంబంధించిన పలు వీడియోలు వైర‌ల్ అయ్యాయి. బుట్ట‌బొమ్మ సాంగ్‌కి వెరైటీగా స్టెప్పులేసి ఆయన అల్లు అర్జున్ అభిమానులను అలరించారు. అంతేకాదు, 'నా డ్యాన్స్ మరింత మెరుగుప‌డుతుందా?' అంటూ ఆయన అభిమానులను అడిగారు. ఆయన డ్యాన్స్ అద్భుతం అంటూ బన్నీ ఫ్యాన్స్ కామెంట్లు చేస్తున్నారు.