Manchu Vishnu: ఫైట్ మాస్టర్లతో కలిసి ప్రత్యేక వీడియో రూపొందించిన మంచు విష్ణు

టాలీవుడ్ హీరో మంచు విష్ణు లాక్ డౌన్ నేపథ్యంలో వినూత్నంగా ఆలోచించారు. ఫైట్ మాస్టర్లతో కలిసి ఓ యాక్షన్ వీడియో రూపొందించారు. ఎవరింట్లో వారు ఉంటూనే సీక్వెన్స్ ప్రకారం కిక్ లు ఇస్తూ వీడియోను రక్తి కట్టించారు. ఓ పవర్ పంచ్ తో మంచు విష్ణు షురూ చేయగా, ఒక్కో ఫైట్ మాస్టర్ ఒక్కో తరహాలో స్పందిస్తూ వినోదాన్ని పంచారు. ఈ యాక్షన్ స్కిట్ లో దక్షిణాది భాషలకు చెందిన ఫైట్ మాస్టర్లు పాల్గొన్నారు. అటు, మంచు విష్ణు తండ్రి, ప్రముఖ నటుడు మోహన్ బాబు తన ఇంట్లో గారెలు వేశారు. తన మనవరాలితో కలిసి గారెలు చేసి మురిసిపోయారు.