Rupee: ఆల్ టైమ్ రికార్డు కనిష్ఠానికి రూపాయి విలువ!

స్టాక్ మార్కెట్ పతనం ప్రభావం డాలర్ తో రూపాయి మారకపు విలువపైనా పడింది. ఇప్పటికే అంతంతమాత్రంగా ఉన్న రూపాయి విలువ నేడు పాతాళానికి జారింది. ఫారెక్స్ సెషన్ లో చారిత్రక కనిష్ఠాన్ని నమోదు చేస్తూ, క్రితం ముగింపుతో పోలిస్తే 95 పాయింట్లు పడిపోయి రూ. 76.15కు చేరింది.

కరోనా భయాలు పెరిగిన నేపథ్యంలో, స్టాక్ మార్కెట్ తో పాటు బులియన్ మార్కెట్ సైతం కుదేలైంది. నేటి సెషన్ ప్రారంభంలోనే డాలర్ విలువతో పోలిస్తే 75 పైసలు నష్టపోయిన రూపాయి, ఆపై మరింతగా పతనమైంది. క్రూడాయిల్ విషయానికి వస్తే, బ్యారెల్ ధర 26.24 డాలర్లకు పడిపోయింది. ఇది శుక్రవారం నాటి ముగింపుతో పోలిస్తే 2.74 శాతం తక్కువ.