జీన్స్ ధరించిందని.. డ్రైవింగ్ టెస్టుకు నిరాకరించిన అధికారులు
- చెన్నైలోని కేకేనగర్ ఆర్టీవో కార్యాలయంలో ఘటన
- షార్ట్ ధరించి వచ్చిన మరో యువతికీ అదే అనుభవం
- అవాంఛనీయ ఘటనలు జరగకుండా అడ్డుకునేందుకేనన్న అధికారులు
డ్రెస్ కోడ్ నిబంధనలు అమల్లో లేకున్నా అధికారులు అలా ప్రవర్తించడంపై విమర్శలు వెల్లువెత్తాయి. దీంతో ఆర్టీవో అధికారి స్పందించారు. షార్ట్స్, లుంగీలు, బెర్ముడాస్ ధరించి వచ్చిన పురుషులను కూడా తిప్పి పంపినట్టు వివరణ ఇచ్చారు. డ్రైవింగ్ లైసెన్సులు జారీ చేసే కార్యాలయానికి కుదురైన దుస్తులు ధరించి రమ్మని చెప్పడంలో తప్పేముందని ఎదురు ప్రశ్నించారు. ప్రతి రోజూ కార్యాలయానికి వందలాది మంది వస్తుంటారని, అవాంఛనీయ ఘటనలు జరగకుండా ఉండేందుకే ఇలా కోరామని, ఇది మోరల్ పోలీసింగ్ కిందకు రాదని వివరణ ఇచ్చారు.
