India: వికెట్ల వేట మొదలుపెట్టిన అశ్విన్.. ముగిసిన రెండోరోజు ఆట

వైజాగ్ లో టీమిండియా, దక్షిణాఫ్రికా జట్ల మధ్య జరుగుతున్న తొలి టెస్టులో ఆతిథ్య జట్టు ఆధిపత్యం కనిపిస్తోంది. తొలి ఇన్నింగ్స్ ను 502/7 వద్ద డిక్లేర్ చేసిన భారత్, ఆపై దక్షిణాఫ్రికాను స్పిన్ తో ఉక్కిరిబిక్కిరి చేసింది. రెండో రోజు ఆట ముగిసే సమయానికి సఫారీలు 3 వికెట్లు కోల్పోయి 39 పరుగులు మాత్రమే చేశారు.

 రవిచంద్రన్ అశ్విన్ 2 వికెట్లతో దక్షిణాఫ్రికాను ఆరంభంలోనే దెబ్బకొట్టగా, రవీంద్ర జడేజా ఓ వికెట్ తీసి రేసులో తానూ ఉన్నానని చాటాడు. ఓపెనర్ ఎల్గార్ 27 పరుగులతో పోరాడుతుండగా, తెంబా బవుమా (0) క్రీజులో ఉన్నాడు. స్పిన్నర్లకు విశేషంగా అనుకూలిస్తున్న విశాఖ పిచ్ పై రేపటి ఆటలో సఫారీలకు మరిన్ని కష్టాలు తప్పేట్టులేవు.