సినిమా కబుర్లు.. సంక్షిప్త సమాచారం

*  'ఆర్ఎక్స్ 100' చిత్రం ద్వారా టాలీవుడ్ కి పరిచయమై, తాజాగా 'ఆర్డీఎక్స్ లవ్' చిత్రంలో కథానాయికగా నటిస్తున్న పాయల్ రాజ్ పుత్ త్వరలో ఐటం సాంగ్ చేయనుంది. తేజ దర్శకత్వంలో రూపొందే తాజా చిత్రంలో స్పెషల్ సాంగులో నటించడానికి ఈ చిన్నది ఓకే చెప్పిందట.

*  తెలుగు, తమిళ భాషల్లో సినిమాటోగ్రాఫర్ గా రాణిస్తూ, తాజాగా చిరంజీవి నటిస్తున్న 'సైరా' చిత్రానికి పనిచేస్తున్న రత్నవేలు త్వరలో దర్శకుడిగా మారనున్నాడు. ఈ విషయాన్ని చెబుతూ, వచ్చే సంవత్సరం దర్శకత్వం వహిస్తానని, ఆ చిత్రానికి స్క్రిప్ట్ కూడా సిద్ధమైందని రత్నవేలు తెలిపాడు.

*  రాజమౌళి రూపొందిస్తున్న 'ఆర్.ఆర్.ఆర్' చిత్రం యూనిట్ బల్గేరియా షెడ్యూల్ ముగించుకుని హైదరాబాదుకు చేరుకుంది. త్వరలో తదుపరి షెడ్యూలును హైదరాబాదులో ప్రారంభిస్తారు. ఇందులో ఎన్టీఆర్, చరణ్ హీరోలుగా నటిస్తున్న సంగతి విదితమే.